04 дүгээр сарын 21-ны өдөр: Санхүү эдийн засгийн дээд сургуулийн төслийн ангийн 25 оюутнууд ХБЦГ-ийн аялал жуулчлалын талаар илтгэл  аван, цогцолборт газрын  үйл ажиллагаатай танилцан, өөрсдийн санаачилгаар хэсэг газруудад хог, хомоол түүн орчны цэвэрлэгээ хийв.

04 дүгээр сарын 22-ны өдөр: 2018 оны төлөвлөгөөт ажлын хүрээнд МУЗН-ээс сургагч багш Түвшинжаргал “Хустайн цогцолборт газар”-т ирж эмнэлгийн анхан шатны тусламж үзүүлэх 6 цагийн сургалт зохион байгуулав. Хиймэл амьсгал, хөлдөлт, хугаралт, осголт, түлэгдэлт гэсэн сэдвийн дор  хэрхэн хурдан хугацаанд анхны тусламж үзүүлэх талаар танилцуулга болон биет үзүүлэн ашиглан сургалт явагдав. Сургалтанд аялал жуулчлалын албанаас баазын менежер Батзаяа, тогооч Бүдсүрэн, бармен Өлзийдулам, гэрийн үйлчлэгч Бямбасүрэн, судалгаа сургалтын албанаас биологич Энхбаяр, Цэрэндулам, харуул Батсүрэн, харуул хамгаалалтын албанаас байгаль хамгаалагч ажилтай Билгүүн, Гандэлгэр, Ганбаатар зэрэг 10 хүн хамрагдаж гэрчилгээ гардаж авлаа.